कुळदेवी आरती – चैत्र शुद्ध अष्टमी

॥ कुलस्वामिनी बिजासिनी माता प्रसन्न ॥

कुळदेवी आरती – चैत्र शुद्ध अष्टमी

 

कुळदेवीची वर्षातील पहिली आरती – चैत्र शुद्ध अष्टमी.

सकाळी देवांची दैनंदिन स्नान पूजा करावी.

आरत्यांची पुढे दिल्याप्रमाणे तयारी करावी. साधारणत: मध्यान्ह समयी आरत्या लावाव्यात.

नैवेद्य – वरण भात, पुरण, कटाची (पुरणाची) आमटी, तांदळाची खीर, तळण (भजी, पापड, कुरडई, इ.), इ.

दिवे आणि देवीची खेळणी – कणकेपासून पुढे दिल्याप्रमाणे दिवे आणि देवीची खेळणी बनवावीत आणि वाफवून घ्यावीत जेणेकरून दुसऱ्या दिवसापर्यंत टिकतील.

दिवे आणि देवीची खेळणी

  • दिवे – ८
  • भंडारा – पुरण भरलेला
  • फणी
  • बांगड्या
  • वेणी
  • कुंकवाचा करंडा
  • टिकली
  • पोळपाट – लाटणे
  • पाटा – वरवंटा
  • दहयाचे भांडे - रवी
  • पान – सुपारी
  • भोवरा
  • गोट्या
  • विंचू
  • गोम

पूजेसाठी देवीचे टाक – देवीचे पुढे दिल्याप्रमाणे टाक आरतीसाठी वापरावेत.

श्री बिजासिनी देवी

श्री बिजासिनी देवी

श्री कानबाई - रानबाई देवी

श्री बिजासिनी देवी

आरतीचे ताट – काशाचे ताट असल्यास उत्तम. पुढे दिल्याप्रमाणे आरतीचे ताट मांडावे. दिव्यांमध्ये तुपाच्या वाती लावाव्यात. देवीच्या टाकांसाठी आंब्याच्या पानाचे / विड्याच्या पानाचे आसन करावे.

आरती – दुर्गासप्तशतीमधून यथाशक्ती पुढील स्तोत्र पठण करावे. गणपती आणि दुर्गा देवीची आरती करावी.

      •      अथ सप्तश्लोकी दुर्गा
      •      अथ देव्या: कवचम्
      •      अथ तंत्रोक्तं देवीसूक्तम्
      •      श्रीदेव्यथर्वशीर्षम्
      •      श्री सिद्धकुंजिका स्तोत्र
      •      अथ देव्यपराध्यक्षमापनस्तोत्रम्

 

घरात दुर्गासप्तशती उपलब्ध नसल्यास, पुढे दिलेल्या दुर्गासप्तशतीच्या चित्रावर क्लिक करून ग्रंथ डाउनलोड करून घ्यावा.

काजळी धरणे – आरती करून झाल्यावर, वाटीच्या बुडाशी तुपाचे बोट फिरवून आरतीच्या ताटातील आठही दिव्यांवरून वाटी फिरवून काजळी जमा करावी. ही काजळी घरातील प्रत्येक व्यक्तीने गंधाप्रमाणे कपाळी लावावी.

प्रसाद ग्रहण – आरती करून झाल्यावर नैवेद्य दाखवावा. आरतीच्या ताटातील दिवे, खेळणी आणि पुरणपोळी तशीच दुसऱ्या दिवसापर्यंत झाकून ठेवावी आणि उर्वरित पदार्थ (वरण भात, आमटी, तळण, इ.) घरातील सर्वानी जेवणात ग्रहण करावे.

दुसऱ्या दिवशी सकाळी शुचिर्भूत होऊन देवाची दैनंदिन स्नान पूजा करून दिवे, देवीची खेळणी आणि पुरणपोळी यांचा चुरमा करून तो प्रसाद आवडीनुसार दूध/दही सोबत ग्रहण करावा.

प्रसाद ग्रहण करून झाल्यावर उष्टे/खरकटे हात एका भांड्यात धुवावेत, हात बाथरूम/बेसिन मध्ये धुवू नयेत. आपले हात धुतलेले पाणी एखाद्या झाडाच्या मुळाशी, कुणाच्या पायदळी येणार नाही अशा पद्धतीने विसर्जित करावे. आपले उष्टे/खरकटे पाणी तुळशीला टाकू नये.

॥ शुभम् भवतु ॥

 

2 thoughts on “कुळदेवी आरती – चैत्र शुद्ध अष्टमी”

आपण आपली प्रतिक्रिया/अभिप्राय येथे नोंदवू शकता.

error: Content is protected !! Contact - shree.dnyanopasana@gmail.com
Scroll to Top
%d bloggers like this: